*👈حضرت ابراہیم علیہ السلام اور مجوسی کا واقعہ👉*

ﺣﻀﺮﺕ ﺍﺑﺮﺍﮨﯿﻢ ﻋﻠﯿﮧ ﺍﻟﺴﻼﻡ ﮐﯽ ﻋﺎﺩﺕِ ﻣﺒﺎﺭﮐﮧ ﺗﮭﯽ ﮐﮧ ﺭﺍﺕ ﮐﺎ ﮐﮭﺎﻧﺎ ﮐﺒﮭﯽ ﺍﮐﯿﻠﮯ ﻧﮩﯿﮟ ﮐﮭﺎﺗﮯ ﺗﮭﮯ، ﮐﺴﯽ ﻧﮧ ﮐﺴﯽ ﮐﻮ ﺿﺮﻭﺭ ﻣﺪﻋﻮ ﻓﺮﻣﺎ ﮐﺮ ﮐﮭﺎﻧﺎ ﻧﻮﺵ ﻓﺮﻣﺎﺗﮯ ﺗﮭﮯ- ﺍﯾﮏ ﺭﺍﺕ ﺣﺴﺐِ ﻋﺎﺩﺕ ﺁﭖ ﮐﺴﯽ ﻣﮩﻤﺎﻥ ﮐﺎ ﺍﻧﺘﻈﺎﺭ ﮐﺮ ﺭﮨﮯ ﺗﮭﮯ ﮐﮧ ﮐﺴﯽ ﻧﮯ ﺩﺭﻭﺍﺯﮮ ﭘﺮ ﺩﺳﺘﮏ ﺩﯼ- ﺁﭖ ﻧﮯ ﺩﺭﻭﺍﺯﮦ ﮐﮭﻮﻻ ﺗﻮ ﺩﯾﮑﮭﺎ ﮐﮧ ﺍﯾﮏ 80 ﺳﺎﻝ ﮐﺎ ﺑﻮﮌﮬﺎ ﺗﮭﺎ- ﺍﺱ ﻧﮯ ﻓﻮﺭﺍً ﮐﮩﺎ ﮐﮧ ﮐﭽﮫ ﮐﮭﺎﻧﮯ ﮐﻮ ﮨﮯ ﺗﻮ ﻣﺠﮭﮯ ﺩﮮ ﺩﯾﮟ ﻣﺠﮭﮯ ﺑﮩﺖ ﺑﮭﻮﮎ ﻟﮕﯽ ﮨﮯ۔ ﺣﻀﺮﺕ ﺍﺑﺮﺍﮨﯿﻢ ﻋﻠﯿﮧ ﺍﻟﺴﻼﻡ ﻧﮯ ﺧﻮﺵ ﮨﻮ ﮐﺮ ﻓﺮﻣﺎﯾﺎ؛ ﻣﺮﺣﺒﺎ، ﻣﺮﺣﺒﺎ ۔۔۔ 

ﺍﺱ ﺷﺨﺺ ﮐﮯ ہاتھ دھلائے، اس کے ﺳﺎﻣﻨﮯ ﮐﮭﺎﻧﺎ ﺭﮐﮭﺎ ﺍﻭﺭ ﮐﮩﺎ؛ "ﭼﻠﯿﮟ ﺟﯽ بسم اللہ ﮐﯿﺠﯿﺌﮯ۔"

.

ﻭﮦ ﺑﻮﮌﮬﺎ ﺑﻮﻻ: "ﻣﯿﮟ بسم ﺍللہ ﻧﮩﯿﮟ ﭘﮍﮬﻮﮞ ﮔﺎ، ﻣﯿﮟ ﻣﺠﻮﺳﯽ ﮨﻮﮞ-" ﺣﻀﺮﺕ ﺍﺑﺮﺍﮨﯿﻢ ﻋﻠﯿﮧ ﺍﻟﺴﻼﻡ ﻧﮯ ﻏﺼﮯ ﻣﯿﮟ ﮐﮩﺎ ﮐﮧ ﮐﮭﮍﮮ ﮨﻮ ﺟﺎؤ، ﻣَﯿﮟ ﻣﺠﻮﺳﯽ ﮐﮯ ﺳﺎﺗﮫ ﮐﮭﺎﻧﺎ ﭘﺴﻨﺪ ﻧﮩﯿﮟ ﮐﺮﺗﺎ ﮨﻮﮞ-

ﻭﮦ ﺑﻮﮌﮬﺎ ﺑﮍﺑﮍﺍﺗﺎ ﮨﻮﺍ ﭼﻼ ﮔﯿﺎ- ﺍﺩﮬﺮ ﭘﻠﮏ ﺟﮭﭙﮑﺘﮯ ﮨﯽ ﺣﻀﺮﺕ جبریل ﻋﻠﯿﮧ ﺍﻟﺴﻼﻡ ﺁ ﮔﺌﮯ ﺍﻭﺭ ﺑﻮﻟﮯ ﮐﮧ ﺍللہ ﺭﺏ ﺍﻟﻌﺰﺕ ﻧﮯ ﻓﺮﻣﺎﯾﺎ ﮨﮯ کہ

"ﺍﮮ ﺍﺑﺮﺍﮨﯿﻢ (علیہ السلام) ! ﻣﻨﮑﺮ ﺗﻮ ﻭﮦ ﻣﯿﺮﺍ ﮨﮯ، ﻣﯿﮟ ﻧﮯ ﺗﻮ 80 ﺳﺎﻝ ﻣﯿﮟ ﮐﺒﮭﯽ اﺱ ﮐﺎ ﺭﺯﻕ ﻧﮩﯿﮟ ﺭﻭﮐﺎ۔"

ﺣﻀﺮﺕ ﺍﺑﺮﺍﮨﯿﻢ ﻋﻠﯿﮧ ﺍﻟﺴﻼﻡ ﯾﮧ ﺳﻨﺘﮯ ﮨﯽ ﺍﺱ ﺑﻮﮌﮬﮯ ﻣﺠﻮﺳﯽ ﮐﮯ ﭘﯿﭽﮭﮯ ﺩﻭﮌﮮ- ﺗﮭﻮﮌﯼ ﮨﯽ ﺩﻭﺭ ﮔﺌﮯ ﺗﮭﮯ ﺗﻮ ﻭﮦ ﻣﻞ ﮔﯿﺎ- ﺁﭖ ﻧﮯ ﺍﺱ ﺳﮯ ﮐﮩﺎ ﮐﮧ ۔۔۔ ﺍﮮ ﺍللہ ﮐﮯ ﺑﻨﺪﮮ، ﻣﺠﮭﮯ ﻣﻌﺎﻑ ﮐﺮ ﺩﯾﮟ ﺍﻭﺭ ﻣﯿﺮﮮ ﺳﺎﺗﮫ ﭼﻞ ﮐﺮ ﮐﮭﺎﻧﺎ ﮐﮭﺎ ﻟﯿﮟ، ﺁﭖ ﮐﯽ ﻭﺟﮧ ﺳﮯ ﻣﺠﮭﮯ ﺍللہ ﺳﮯ ﺑﮩﺖ ﮈﺍﻧﭧ ﭘﮍﯼ ﮨﮯ۔

ﻣﺠﻮﺳﯽ ﺑﻮﻻ کہ ﮐﻮﻥ ﺍللہ؟

ﺁﭖ علیہ السلام ﻧﮯ ﻓﺮﻣﺎﯾﺎ: "ﻭﮦ ﺫﺍﺕ ﺟﺲ ﻧﮯ ﺳﺎﺭﯼ ﮐﺎﺋﻨﺎﺕ ﮐﻮ ﭘﯿﺪﺍ ﮐﯿﺎ، ﺍللہ ﻭﮦ ﮨﮯ ﺟﺲ ﻧﮯ ﮨﺮ ﺷﮯ ﮐﻮ ﺗﺨﻠﯿﻖ ﮐﯿﺎ ﺍﻭﺭ ﺧﻮﺑﺼﻮﺭﺕ ﺷﮑﻞ ﻣﯿﮟ ﮈﮬﺎﻻ، ﺍللہ ﻭﮦ ﺫﺍﺕ ﮨﮯ ﺟﻮ ﺗﻤﺎﻡ ﻣﺨﻠﻮﻗﺎﺕ ﮐﻮ ﺭﺯﻕ ﺩﯾﺘﺎ ﮨﮯ۔ اللہ ﻭﮦ ﺫﺍﺕ ﮨﮯ ﺟﺲ ﻧﮯ ﺗﺠﮭﮯ ﺍﻭﺭ ﻣﺠﮭﮯ ﺍﺏ ﺗﮏ ﺯﻧﺪﮦ ﺭﮐﮭﺎ ﮨﻮﺍ ﮨﮯ۔"

.

ﻣﺠﻮﺳﯽ ﯾﮧ ﺳﻦ ﮐﺮ ﺭﻭﻧﮯ ﻟﮕﺎ ﺍﻭﺭ ﺑﻮﻻ؛ "ﮐﯿﺎ ﮐﮩﻨﮯ ﮨﯿﮟ ﺗﯿﺮﮮ ﺭﺏ ﮐﮯ، ﺍﮮ ﺍللہ ﮐﮯ ﺑﻨﺪﮮ! ﺗﯿﺮﮮ ﺭﺏ ﮐﺎ ﺗﻮ ﺍﺧﻼﻕ ﺑﮩﺖ ﺍﻋﻠﯽٰ ﺍﻭﺭ ﻋﻈﯿﻢ ﮨﮯ۔ ﻣﯿﮟ ﺍﺗﻨﮯ ﭘﯿﺎﺭ ﮐﺮﻧﮯ ﻭﺍﻟﮯ ﻋﻈﯿﻢ ﺑﺎﻻ ﻭ ﺑﺮﺗﺮ ﺭﺏ ﭘﺮ ﺍﯾﻤﺎﻥ ﻻﺗﺎ ﮨﻮﮞ۔“

(ﻗﺼﺺ ﺍﻻﻧﺒﯿﺎﺀ)

*__________________________*